Isuan Thlarau Thianghlim Chungchang A Sawi Dan

Chhiar tûr: Johana 14:17, 26; 15:26, 27;16:13,  

*Hêng chângahte hian Isuan Thlarau Thianghlim nihna bîk chungchâng engte nge a sawi?*

*Isuan Thlarau Thianghlim chu tanpuitu/Thlamuantu (parakletos) a ni tih a sawi hian i tân eng awmzia nge a neih?*

Isuâ sawi dân chuan, Thlarau Thianghlim chuan kaihhruaite, thusawi te, ngaihthlâk te, thil puânchhuah te leh châwimâwi hnate a thawk thîn (Johana 16:13, 14, NASB).

Thlarau Thianghlim chuan thil zirtîr leh hriatchhuahtîr te mintihsak a (Johana 14:26). Keimahnia chêngin (Johana 14:17),A hriattîr (Johana 15:24, 26) a, sual nih inhriattîrna A nei(Johana 16:8) bawk.

Hêng thilte hi mahnia chakna neilo âichuan thuneihna nei thil tih thin tu a ang zâwk a ni.

Chhiar tûr: Johana 14:16-18.

*Engtin nge Isuâ thutiam a lo thlen famkim ang?*

*Engtin nge zirtîrte chu hlamchhiah an nihloh dân?*

Isuan a hnungzuitûte a ngaihsak a, fahrah angin a kalsanngai dâwn lo.

Thlarau Thianghlim rawn tirh a tiam a, chû chu ‘tanpuitu dang’ emaw ‘thlamuantu’ emaw angin a sawi.

Heta atawngkam hman hian pawimawhna tak a nei a, tanpuitu dang rawn tirh a tiam a ni.

Hei hi thil chi dang a ni lo. Grik tawnga ‘dang’ sawina hi “allos” niin, Grik Thuthlung Thara hman dân chuan thlamuantu dang, tam lama danglam; mahse, Amah ang,a anpui sawina a ni. Tawngkam dang chuan, Isuan Amah ang Mi pakhat, Amâ âiawh tûrin rawn tirh a tiam a, chû chuan Amâ thil min tihsak mêk hnâ chu chhunzawmin, Amâ âiawhtu a ni bawk ang.

Hê hnâ Thlarau Thianghlimin a thawh tûr hi tanpuitu emaw,thlamuantu emaw nihna hnâ a ni.

Heta Bible thumal hi Griktawng parakletos (Johana 14:16) a ni a, chû chu tû emaw tanpuitu, lo thlâwptu, thawhpui tûra koh sawina a ni. 

Isua kha mi mal nihna nei a ni ang chiahin, Thlarau Thianghlim pawh mimal nihna nei a ni a.

Thlarau Thianghlim chungchâng sawinaah hian mi mala nihna bîk nei hrang vê tho anga sawi a ni thîn

(Johana 14:26; 15:26; Tirhkohte 15:28; Rome 8:26; 1 Korin12:11; 1 Timothea 4:1).

*Thlarau Thianghlim chu hûhâng mai ni lo, mi mal taka nihna nei a ni zâwk tih hriat hi engati nge a thlamuan thlâk viau?*

Thlarau Thianghlim mi Mal Nihphungte

Hêng chângte i chhiar laiin, hûhâng mai sawina nge Pathian nihna chungchâng sawina ni zâwka i hriat chîk takin mahnî inzâwt ang che.

Tirhkohte 8:29; 10:19, 20; 28:25; Rome 8:14-16, 27; 15:30; 1 Korin 2:10.

Nunna nei lo hian kan tân min ngensak thei a ngem?

Thlarau nung lo hian kan hnênah Pathian chungchâng a târlang thei dâwn em ni?

Nunna nei lo hûhâng mai hian kan hnêna thu sawi theihna a nei dâwn em ni?

Hêng Bible thu sawi zawng zawng ngaihtuah hian, Thlarau Thianghlim chu, thenkhatte ngaih anga nunna neilo chakna thahrui mai ni lo vin, mi mal nunna nei ngêi a ni ang tih hi a pawmawm zâwk hlê a ni.

Hêng Bible chângte hi chhiar la: Thlarau Thianghlim chu mimal nihna nei a ni ang tih chungchâng enge a târlan?

Tirhkohte5:3, 9; Rome 15:30; 1 Korin 12:11; Efesi 4:30.

Mi mal nihna nei nihphung danglam tak chu hriatna (hriatthiamna) neih te, rilru sûk thlêk leh tum neihnate hi a ni.

Minung chiah a tihlungngaih theih a, chutiangin mi nung chiah bum leh a hnêna dâwt sawi theih a ni.

Mi nung chauhin duhthlan theihnaneiin, mahnia chhia-tha hriatna a neih theih.

Mi mal nihna hriltutak pakhat chutum neihna hi a ni a.

Chutiangin mi nung chauhin hmangaih theihna an nei bawk a.

Hmangaihna dik phei hi chu ngaihruat thil leh nunna nei lote hriat theih pawh a ni lo va;hmangaihna chu mi nung khawih thil bîk a ni.

Hêng thilte titu nihna hian Thlarau Thianghlim chu mahnîa hriatna nei, thil hria leh tum leh ruâhman nei vê ngat, hmangaih theitu a nih zia a târlanga ni.

Ani chu hlimthlâ leh puarpawlêng mai ani lo. Amah Pathian ngei chu ataka awmngêi a nih angin, Thlarau Thianghlim pawh chu ataka awm a ni vê tho a ni.

“Thlarau Thianghlim chuan mi mal mîzia a nei a, chu ti ni lo se, kan nunahte thuhretu a tangin, kan thlarau nên Pathian fâte kan nihna pawh min hriattîr thei hek lo vang.

Pathian nihna nei ni ta lo se, Pathian rilrûa thuhrûk thil thurûkte chu a zawng chhuak thei lo vang.”

—Ellen G. White, Evangelism, p. 617.

Engtin nge Bible-in Thlarau Thianghlim chu ataka awm, mimal mîze nei a ni tih a sawina hian Amah nêna in inlaichînnaah awmzia a neih?

Thlarau Thianghlim chu Pathian ni lo, hûhâng lek emaw lo ni ta se, eng danglamna nge awm ang?

Pathian chu Pa angin kan ngaihruat mai thei a, Isua pawh Chanchin Țha bûte târlan angin kan suangtuah thei mai a;mihringa lo changin, kan mihring nihna a inbel azârah kan hrethiam thei mai a. Thlarau Thianghlim chungchâng hriat thiamna neih kawngah erawh hi chuan chona kan hmachhawn deuh tlata ni.

Thlarau Thianghlim lo lan dân chu a danglam bîk êm êm a.Ani chu khawih theih loh, Pâ leh Fapa anga hriat vê mai hleihtheih loh a ni.

Hetiang a nih avâng hian, mi thenkhat chuan Thlarau Thianghlim chu atak a awm vê lo angin an ngaih phah rêng a.Mahse kan hmuh tâk angin, chutiang ngaihdân chuan ThlarauThianhlim nihna tak chu a phurchhuak sî lo.

Thlarau Thianghlim chu ataka awm vê lo, Pathian hûhâng/chakna thahrui ang lek loni ta se chuan, Bible-in a nihna chungchânga sawi hian awmzia vak chu a nei lo dâwn sî a ni.

Fîmkhur takin chhiar la: Hêng Bible châng târlan pahniha Thlarau Thianghlim sawina hi nunna nei lo thiltihtheihna hmang thlâk ta la awmzia vak a nei dâwn em ni?

Thlarau Thianghlim chu Mimal ataka awm ngêi a nihna hian eng awm zia nge a neih?

Rome 15:13________________________________________
1Korin 2:4_________________________________________Tirhkohte thusawi: “Thlarau Thianghlim leh keinin . . . thâ kan ti,” (Tirhkohte 15:28, NASB) tih hi, Thlarau Thianghlim chu hûhâng mai lo ni dâwn ta se chuan, awmzia vak a nei lo hlê angle.

Mahse hei hian Pâ leh Fapa chu mi mal, ataka awm an niang bawkin Thlarau Thianghlim pawh chutiang tho chu a ni tih aentîr.

Chûbâkah, heta hming târlan pahnihte Mi mal an nih laia, apathumna hi a nih vê sî loh chuan, engtin nge ringtûte chu “Paleh Fapa leh Thlarau Thianghlim hminga baptist,” (Matthaia28:19,NASB)an nih theih ang?

Chû chu thil âwm ang pawh a ni lo. An pathum hian baptisma kan chana hming lam tûr țheuhan ni.

Chutiang chuan, Thlarau Thianghlim chu Pa Pathian leh Fapa Pathian nên inzâwlpui tlâng vek an ni tih hei hian a târlanga ni.

Ellen G. White-i chuan hriatthiam theih dân tûr dikin heti hian a lo sawi:
“Vân Mi nung pathum . . . Pâ leh Fapa leh Thlarau Thianghlim chu an awm a ni,” tiin.

—Ellen G. White, Evangelism,p. 615.

Ani pawh hian Thlarau Thianghlim chu a taka awm a nihthû a sawi chiang hlê a ni.

Hlimna,Remna leh Dawhtheihna

Rome 14:17-ah: “Pathian lalram chu ei leh in lam thû a ni sî lo va, felna te, remna te, Thlarau Thianghlima lâwmnate a ni zâwk e,” (NASB) tih a ni.

Chû chu,hlimna hi Pathian malsâwmnate leh A zahngaihna leh ngaihdamna hmangaihnaa chhân lêtna rah a ni.

Mihring hlimna hi khawvêl thilte ngaihtuahna atanga lo chhuak, kan chhehvêl thiltea nghawng nei a ni tlângpui a. Thlarau rah zâra hlimna erawh chuan Pathian leh kan tâna thil min tihsak chu thupuiah a nei thîn a; chhehvêl thiltea innghat a ni vê lo.

Pathian mîte kan nih avângin hlim tûr kan ni. Hlim hmêl pu tam tûr chu kan ni nâin, hlima nui reng tûr kan tihna chu a ni lo.

Pathian kan rinchhanna zârah, kan tâna Pathianin thil min tihsak chunga lâwmna sawi hleih theih loh neih chhan tûr tam tak kan nei.

Thlarauva hlimna chu phûr taka rinna rah a ni.

Chhiar tûr: Johana 14:27 leh Rome 14:17.

*Engtin nge remna leh Thlarau Thianghlim hnathawh chu a inlaichîn?*

Remna hi hlimna âiin a daih rei deuh thîn a. Remna chu LALPA Isua Krista kan rinna zâra thiamchantîr nihna rah a ni (Rome 5:1).

Pathian nêna kan inremin,Thlarau Thianghlim chuan mi dangte nêna inremna leh dawhtheihna min neihtîr dâwn a ni.

Thlarau Thianghlim zârah, Remna Pathian chu kan hnêna a awm dâwn (Filipi 4:9) avângin mi dangte nêna intihbuai leh phuba lâk hmang kan ni ngai lo vang a. Mî zawng zawng nêna inremna kawng (Rome 12:18) kan zawng zâwk ang.

Chhiar tûr: 2 Petera 3:9.

*Engtin nge dawhtheihna hian Pathian mîzia a târlan?*

Dawhtheih hi mihring mîze pângngai rêng a ni lo.

Duh anga thil a kal chiah loh lai pawha mi dangte nên inrem taka awm zui zêl theihna a ni.

Fiahna leh hun harsâah pawh hian mahni maia awm kan ni lo.

Pathian chuan A Thlarau Thianghlima min tungnungin, chhelna min neihtîr a, hei hi tâwpna huna ringtûte awmdân tûr a ni (Thupuan 14:12).

Tum hlen tûr tha tak neite chiah hi an chhel thîn.

*Hlimna, remna, leh dawhtheihna. Hêng hi eng anga tam nge i nunah i neih? A khawi hi nge i neih belh deuh la ngai ang?*

Ngilneihna, Țhatna leh Rinawmna

Chhiar tûr: 1 Korin 13:4.

*Engtin nge ngilneihna dik tak hian mi dangte a hîp thin? Mihringte chunga Pathian ngilneihna chu khawiah nge i hmuh thin?*

“Ngilneihna” hi mihringte chunga Pathian chêt dân sawina a ni fo thîn a. Mîte dinhmun tha lo va an din chânga an chunga kan tih thin a ni bawk.
Kan tihsuala chungah Pathian chu râwngdeuh angte pawhin kan ngai thîn a.

Chuti chungin, pâin a fâ thila zirtîr angin hmangaih takin min en thîn (Hosea 11:1-4).

Kan Kristian rawngbâwlna leh hming thâ hi ngilneih lohna hian a tikhaw lo thei hlê a. Ngilneihna lantîr hi thil insênso thlâk takpawh a ni lo va; mahse, mi dangte thinlung a hawnsak thei sî a ni.

Zilh kawngah hian kan ding ngheh deuh chu a ngai a ni thei e;mahse, mi dangte kan en dânah te, an dik lohna leh thu inchuhneih kawngah pawh ngilnei lo takin kan ti ngai tûr a ni lo.

Ngilnei taka inzilh hi nungchang zahawm ber a ni thei hiâl âwm e.

Chhiar tûr: Efesi 5:9.
*Hê chângah hian thatna-ah enge tel?*

Thatna chu hmangaihna ataka chêtpuina a ni.

Thlarau rah anga lo thang lian thatnaah hian thil tih leh thatna ataka chêtpuina atel a. Thatna hi mi dangte chunga hmangaihna thiltih ataka lantîrna a ni.

Keimahnia Thlarau Thianghlim a lo chênin, midang kan tawhte chungah thatna kan lantîr thîn.

Chhiar tûr: Galatia 5:22.
*Engati nge Kristian kan nihna anga Pathian kan lênpui naah hian rintlâk leh rinawm nih apawimawh thin?*

Heta kan hmuh hi Thlarau Thianghlim zâra nungchang leh khawsaknaa rinawmna a ni.

Rinawmna awmzia chu rintlâk leh innghah ngamna nih a ni. Mi rinawm chuan ti tûra a intiam chu ahlen ngêi thîn a.

Rinawm chu Isua Kristâ “Thuhretu rinawm”(Thupuan1:5, NASB) leh A thutiamte vawng a, A thiltih kawnga rinawm (1 Korin 1:9; 10:13; 1 Thesalonika 5:24, 2Thesalonika 3:3) Pa Pathian nungchang a ni bawk.

*Kan rinawmna hian kan nunah Pathian anna chu kan târlang thîn.“Rah ropui kan chhuah lam ni lo vin, kan thil tih kan tihna rilrû,Pathian ngaihsân chu a ni. Ani chuan thil tih ropui kan neih dangte âiin,thatna leh rinawmna chu a ngaihlu zâwk a ni.”—Ellen G.White, Testimoniesfor the Church, vol. 2, pp. 510, 511*

Pathian Dan hi hmangaihna Dan a ni

Pathian chuan A dân vawng tûrin min ko tih kan hria.

*Zawhna awm ta chu, ‘Dân zawm avânga chhandam kan nihtheih sî loh chuan, engati nge A dân chu kan zawm ang?’*

Achhânna chu thianghlimna chungchângah hmuh a ni.

Chhiar tûr: Rome 7:12; 1 Timothea 1:8.

*Dân chung châng chu engtin nge Paulan alo sawi? Engtin nge dân chuan Pathian nungchang a târlan?*

Dân chu a thianghlim a, a fel a, a thâ a ni.

Hêng thu pathumte hi Amah Pathian nihna nên chiah a inhmeh hlê a, chu vângin dân chu Pathian nungchang târlanna a ni.

Thlarauva-khat nun awmzia pawh chu Pathian dân ang zêla nung tihna a ni.

Dân chu thianghlimna dân danglam ngai lo chu a ni a.

Pathian danglam ngailo ang bawkin dân hmanga tehfung pawh chu a danglam ngai lo. Isuan dân chu a pêng tinte nên lam a thlen famkim hmâ loh chuan a bo dâwn lo tih chiang takin a sawi a (Matthaia 5:17-19).

Dân zawm hi dân avânga chhandam nihtumna ni lovin, rinawmna a ni zâwk.

Dânin min chhandam lo va, theih pawh a thei hek lo.

Dân chu kan chhandamna kawng a ni ngai lo va, chhandamte kalna tûr kawnga ni zâwk.

Dân chu hmangaihnaa kan lên vêl leh târlan tûra kan bun tûr pheikhawk a ni kan ti thei ang.

Chutiang a nih avâng tak chuan Isua pawh khân, “dân pawisak lohna a pun dâwn avângin mi tam takte hmangaihnaa la dâi ang,” (Matthaia 24:12, ESV) tiin chiang takin a lo sawi a.

Dân ngaihnêp a nih phawt chuan hmangaihnaa kiâm thîn rêng a ni.

Chhiar tûr: Rome 13:10; Matthaia 22:37-40.

*Engati nge hmangaihna hi dân zawh famkimna a nih?*

Pathian dân chu thianghlimna dân leh hrai a nih tho laiin, Athianghlimna laimû chu hmangaihna a ni.

Hmangaihna chu Pathian chhandamna thiltih kan chhân lêtna niin, rinawmnaa lan chhuahtîr a ni thîn.

Hmangaihna nêna dân hlenchhuah tuma vawngtu i nihloh chuan Isua zirtîr dik tak i ni thei ngai lo vang.

Hmangaihna tel lo va dân chu kherkhiaptaka zawm theih a nih laiin, dân zawmna tel lo chuan hmangaihna dik tak chu lantîr theih a ni sîlo.

Hmangaihna dik chuan rinawm a châk a, hmangaihna chuan dân ti bo lo vin, a hlenchhuak zâwk thîn a ni.

*Engati nge dân chu Pathian kan hmangaihna lan chhuah tîrna a nih?*

*Engtin nge hmangaihna leh thuâwihna hi a inkûngkaih?*

Rah: Hmangaihna Chu

*Chhiar tûr: Galatia 5:22; 1 Korin 13.*

Engati nge hmangaihna chu Thlarau rah hmasa ber leh pawimawh ber a nih?

Engtinnge hmangaihna chuan hê rah nihna dang zawng zawngteah nghawng a neih?

Hmangaihna hi Thlarau rah nihphung dangte hmahruaitu,khâikhâwmtu leh a hnuk pui ber a ni.

Pathian chu hmangaihna(1 Johana 4:8) a ni a, Kristian țhatna zînga ropui ber a ni (1Korin 13:13). Pathian hmangaihna hi hêng nihna dang zawng zawngte hnâr leh lungphûm a ni a. Chû chu Thlarau Thianghlimin kan thinlungah a chhûng lût a (Rome 5:5).

Hmangaihna chu Pathian fâte kan nih tichiangtu a ni.

Hê hmangaihna hi mihring induhna mai bâk a ni a.

Mihring beihnaa tihchhuah theih a ni lo.

Kristaa awmnain a rah chhuah ani.

Chutiang hmangaihna chu a thilphal a, phû rêng pawh a ni lo.

Hei chiah hian siamtha tûra thiltihtheihna a nei a, a nêm viau chungin nihphung nghet tak a nei a, mi sual chu simna lamahruaiin, thil tha zâwk neih châkna a neihtîr thîn.

Hmangaihna chuan tûnhma lama lo inhmêlmâk tawhte pawh inrem tûra thiltihtheihna a nei a (Luka 6:27, 28; Rome 5:8).

Chutiang chuan, kan inhmangaih tlânna zârah, Isua Kristâ hnungzuitûte kan ni tih khawvêlin an hria ang (Johana 13:35).

Hê hmangaihna rah vêk hian Kristiante chu mi dangte hriathiamna leh veina aneihtîr bawk ang.

Hmangaihna sawifiahna tha ber 1 Korin 12 leh 14-nainkâraa inzep kher hi thil tuipuiawm tak a ni.

Hêng bung hnihte hian Thlarau thilpêkte chungchâng a sawi a.

Bung 13-na erawh hichuan Thlarau rah: hmangaihna chungchâng hlîr a sawi thung.

Thilpêk ropui dangte pawh hi hmangaihna tel lo chuan eng maha ni lo.

Thlarau rah tel lo Thlarau thilpêkte ngawt pawh chuan thiltihtheihna a pâi lo va, Pathian tum ang malsâwmna pawh athlen thei hek lo.

Hmangaihna erawh chu, Thlarau rah thatnadang zawng zawngte khaikhâwmtu niin, kan thil tih engkim mai hi a takah a chantîr ta thîn a ni.

I nun khawilaiah khân nge hmangaihna chu i lo tlâkchhamle?

Nî tina i khawsakpuite chungah hmangaihnaa khat nun ientîr theih nân Thlarau Thianghlim tanpuina dîl ang che.

Engtin nge mi dangte hnênah hmangaihna i entîr ang?

Engtinnge hmangaihna chuan Thlarau rah târlan dangteah nghawnga neih thin?