Thlarau Thianghlim Tihlungngaih

*Thlarau Thianghlim Tihlungngaih*

*Chhiar tûr: Efesi 4:30. Hetah hian Paulan thupêk leh zilhnathu hmangin Thlarau Thianghlim tilungngai lo tûrin min ti a.Thlarau Thianghlim ‘tilungngai’ tih chu enge a awmzia?*

Thlarau Thianghlim hi chunglam thiltihtheihna mai ni lo vin,ataka awm vê ngêi a ni. Chutiang a nih avâng chuan tih lungngaihtheih a ni.Mahse, engtin nge kan tih lungngaihthin?

Thlarau Thianghlim hna pawimawh tak chu sual laka kan mitte mintihmensak a ni tih kan hre reng tûr a ni (Johana 16:8). Ani chuan kan tâna inpê leh kan sualte min ngaihdamsaktu Isuâ hnênah min hruai thîn a.

Pathian Thlarau chu ‘thianghlim’ tih a ni a,chumi awmzia chu sual ‘huâ/ngaithei lo’ tihna a ni. Mahse, kawng engkima Pathian thû kan âwih te leh thil thianghlim leh fel chauh ngaihtuah a, kan sawite hian A lâwm hlê thung a.

A leh lamah chuan, chunglam koh kan nihna nêna inhmeh lo deuh a paipâwnrûk kan neih tlatte hian A lungngai thîn a ni.

Keinin sual kan vawn luih tlat a, sual tih kan ngaihzam maite hian Ani chu atilungngai a. Thlarau Thianghlim tihlungngaih chu thil namai lotak a ni.

Efesi 4:30-a Paula thusawia Thlarau Thianghlim tihlungngaih thû hi a țobulah chuan, Kristâ zâra pianthar hmâ nunphung leh pianthar tâk hnûa thil thleng a sawi a. Kristaa thil siamthar kan nih angin, kan zâa chungah hian hmangaihnaa chhel, nunnêm leh dawhthei kan ni tûr a ni;

Thlarauva remnaa phuâr khâwmna humhalh tûrin kan taima tûr a ni (Efesi 4:2, 3).

Thlarauva tihtharniin (Efesi 4:23), tûnah chuan Krista, kan Lû kan zui a (Efesi4:15), Jentêlte anga rilru lawilo mai mai puin kan awm ta lo va (Efesi 4:17). Pathian lâwmzâwngin kan nung ta zâwk a ni (Efesi4:24-31).

Efesi 4-a thil tha lo lam a sawi eng pawh hi kan thinlunga kan khâwi nunreng a, chûng chu kan tawngkam leh chêtziaa alan chhuah chuan, Thlarau Thianghlim chu a nguiin a lungngai thîn a ni.

Thlarau Thianghlim tihlungngaih awmzia chu kan sualluih zêl vânga A chênchilhnaa tihthianghlimna leh nun min tihdanglam sak tûra thiltihtheihna hmusit taka hnar tihnaa ni.

Thlarau Thianghlimin engtin nge kan khawsak tih hi minngaihsak lo a ni lo.

*Efesi 4:25-31 chhiar la, Thlarau Thianghlim tilungngai theitu tûr nungchang ang chîte chu ziak chhuak ang che.*

*Engati nge hêng hian Thlarau Thianghlim atihlungngaih thin?*

Thlarau Thianghlim tih lungngaih theih a nihna hian, Pathian chu keimahni leh kan thil tihte ngaihsak lo a ni lo tih min hrilh a.Thutlûkna kan siam leh kan khawsak dân hian a khawih hlê țhîn a ni.

*Chhiar tûr: Efesi 4:25-5:2. Hetah hian eng ti tûrin nge minhrilh a, hêng Bible thupêkte hi zâwm ta ilang eng ang takinnge kan nun a danglam ang?___________________________________________________________________*

Hmangaihnaa thutak kan sawi hian Thlarau Thianghlim chu a hlim thîn a; chubâkah, sualna chungchânga kan thinrim a;mahse, kan thinrimnaa kan sual loh te; mahnî kut ngeia hnâ kan thawh a, kan thil hlawh chhuahte chu tlachhamte tâna thil thatihsak nâna kan hman te; mî châwm leh tihmasâwn zâwnga thusawi leh, kan thusawi ngaithlatûte thinlunga khawngaihna kan chantîr te; mi dangchunga ngilnei, khawngaih leh ngaihdamna nei kan nihte hian A lâwm bawk thîn.Kristiana kan inchhâl a; mahse, kan nun chu Krista la hmungai lo, A hruaina leh hmangaihnain a la deh loh ang a nih sî chuan, chû chuan Thlarau Thianghlim a tilungngai a. Thutak ringakan insawi laia, kan insawi dân kalh taka kan chêt leh khawsaksî chuan, Thlarau Thianghlim kan tilungngai a ni.

Pâwnlam rawngbâwlna kan neih leh kan chhûnglam nun chu a inpersan tûr a ni lo.

Pathian fâte kan ni a, kan nunin Isua a târlang tihmîten an hmuh theih ngat chuan, chû chuan Pathian thinlung atilâwm thîn a ni!

*Chhiar tûr: Efesi 4:3, 4, 15, 16, 32. Thlarauva nunga inhuhona chungchâng enge hêng chângte hian an târlan?*

*Engtin nge thlarauva-khat nun chu ringtu dangte zîngah mahni aintârchhuah thin?_____________________________________________________________________________*

Efesi 4-ah hian inpâwl khâwmna thillangsâr tak a chuangtel hi a tuipuiawm hlê a ni.

Inpumkhatna lam thû hi a lang nawnfo va. Paula khân Thlarauva inpumkhatna kha a vei hlê a, achhan chu Pathian nun chu thil intihsak ‘tawnna’ hmangin kan nunpui a (Efesi 4:32). Kohhran chhûngah hian eng angin nge kan inlaichîn tlân a, ‘remnaa phuarnaa Thlarauva inpumkhatna vawng nung tûrin” (Efesi 4:3, NKJV) beih zui zêl hi Thlarau tihlungngaih loh nân a pawimawh a ni.

Thlarau Thianghlim temple (1 Korin 3:16, 17) kohhranah hian eng angin nge kan inen tlântih hi Pathianin a engto êm êm a. Pathian Thlarau tân chuan Kristâ taksaah hian eng angin nge kan inngaihsak tih hi thilpawimawh tak a ni.

Thutak, vântirhkoh pathum thuchah (Thupuan 14:6-12) hriatte hi thil ţhâ a ni a; mahse, hê zawhna hi mahni inzâwt teh: *Engtin nge mi dang, a bîkin i tâna eng mah tihsak theih che nei lote chungah i khawsak ţhin?_________________________________________________________________*

Thlarau Thianghlimin Kohhran A Suihkhawm

Thlarau Thianghlimin Rinna leh Thurinah Kohhran A Suih Khâwm

“LALPA pakhat, rinna hmun khat, baptisma pakhat, Pathian pakhat leh mî zawng zawngte Pa chu, engkim chungah a awma, engkim fang chhuakin, in zâa chhûngah a awm” (Efesi 4:5,6).

Inpumkhatna leh a lo chhuahna hnâr chungchâng enge Paulan hetah hian min hrilh?

Rinna leh thurina inpumkhatna hi Pathian Thu laka rinawmnaah chiah a awm thei.
Nimin leh vawiin leh chatuan pawha pângngai reng LALPAN ringtu tinte thlarau lama inzawm khâwmna a siam a.

Piantharna thlentu Thlarau Thianghlim khân,Pathian Thu âwih duhna thlenin, rinna leh ataka nunpuina kawngah mihring leh hnamtih dân hrang zawng zawngte khûma inpumkhatna nei tûrin min hruai zêl a ni.

Pathian Thu laka intulût tûr leh mi tin nêna inremna nei tûra (Rome 12:18) kan tih theih apiang ti tûra koh kan nih laiin, kohhran hian Pathian thu zirna lama inpumkhatna emaw, tumhlen tûr lama inpumkhatna emaw han neih mai theih a ni lo.

Inpumkhatna hi thawh vaka neih mai theih pawh a ni lo va,Thlarau Thianghlim thilpêk a ni zâwk.

Ani chu ringtu mi maltinteah thawkin, a huhova kohhran chungah pawh a thawk bawk.

Hê Pathian thûa inpumkhatna innghahna chu Pathian Thû ani.

Pathian Thû ziaka awm tel lova Thlarau ngenna ngawt chuan thurin leh kan thil tih țhinte rinhlelhnaah min hruai thei a.

Chutihrualin, Thlarau Thianghlim tel lo va Pathian Thuziaka awm hmanga ngenna siam ngawt pawh a khaw ro tlat țhîn.

LALPA pakhat, rinna pakhat neihna chuan baptisma pakhatah min hruaia.

Pathian Thû chunga hlim taka rinawmna chauh chuan kan kohhran chhûngah inpumkhatna a thlen thei ang.

Rinna leh thurin lama inpumkhatna a awm loh chuan, rawngbâwlna lamain pumkhatna pawh a awm thei lo vang.

“LALPA pakhat, rinna pakhat leh baptisma pakhat kan neia. Kristâ chanchin țhâ hi mi chi tin, hnam tin leh țawng tin leh mipui tin hnêna puân tûr a ni.

Chanchin țha hûhâng hi inûnauna ropui taka inpumkhat tîrtu tûr a ni.

Nungchang chher kawngah entawn tûr pakhat chiah kan nei a, kan zâin Krista entawn theuh ila; tichuan, kan inrem tlângin, hnam hrang nihnate chu Isua Krista-ah chhûn khâwm niin, rilru hmun khat, ngaihdân thu hmun, thil thuhmun sawi tlâng, kâ pakhata Pathian châwimâwi tlângkan lo ni ang.”—Ellen G. White, Our High Calling, p. 171.

Ellen G. White thusawi hi en la. Mi dangte ngaih dân leh thilsawi engto lo vin, mahni chiah inzâwt teh:

Hê inpumkhatna goal hi thleng tûra țanpui nân enge ka tih theih ang?

Thlarau Thianghlim Suihkhawm

Thlarau Thianghlimin Pathian Thu Hmangin Kohhran A SuihKhâwm

Chhiar tûr: Tirhkohte 17:11; Johana 5:39, 46, 47; 8:31, 32.Kristâ zirtîr dik nih chhinchhiahna lang thei chu enge ni? Engati nge Bible hi Krista min kawhhmuh leh rinawm taka Ahniakhnung zui tûra min țanpui nân a țangkai viau?

Krista nêna min thlun zawm nâna Thlarau Thianghlim hmanraw pui ber chu Pathian Thû ziaka awm hmangin a ni.

Bible hi Isuâ chanchin leh Pathian ruâhmanna hriat theihna hmanraw rin tlâk a ni.

Chuvâng chuan Bible thû chhiar leh a thû vawnte hi a pawimawh viau rêng a.

Bible hian thlarau lam thutak leh dâwtthliâr hrang tûra thuneihna a nei a.

Paulan Beroia mîte rilru chhuanawm tak chu a fak a (Tirhkohte 17:11), anni khân Pathian Lehkha thû chu taima taka zirin, an thil hriat chu a dikleh dik lo hmuh chhuah tumin an bei ţhîn a ni.

Siamțhatna leh thlarau lam harh tharna eng pawh, mimal tak leh kohhran pawh min khawih viau a ni thei, Pathian Lehkhathûa innghat a ni ngêi tûr a ni.

Bible hi rinna kan nghahna lungphûma ni a; chutih laiin, Isua leh A thû ziaka awm hmangaihna hi min suih khâwmtu chu a ni.

Chhiar tûr: Johana 17:17-21. Hetah hian Isuan inpumkhatna hi zirtîr Kristian kan nih chhinchhiahna pawimawh tak a ni tih a sawi a.

Johana 17:17 sawi dânin, hê inpumkhatna bul chu enge ni?

Pathian Thû chu thu tak a ni (Johana17:17; Sâm 119:160).

Kohhran inpumkhatna chu Pathian Thû ziaka awm hmanga Thlarau hnathawh a ni.

Thlarau Thianghlim chuan Bible zirtîrna ringhlel tûr te, sawisêl tûr te, a pêla kal tûr leh thleng phâk lo tûrin min hruai ngai lo.

Chû âi chuan, Pathian Lehkha thûin chunglam thuneihna a neih chu zah tûrin min ti a.

Thlarau Thianghlim chuan Pathian Thû ziaka awm chu Thu Nung a nihna lakah min hîp bo ngai lo vang.

Thinlung taka a laka intulût reng tûrin min vawng zâwk ang.

Bible hi khawvêl pum huapa rinna thûa inpumkhatna lung phûm a ni.

Pathian Thû hi kan tâna thutak chu a ni tih rinna min tih kiam/nêpsak ta se, kohhran inpumkhatna chu a pherh nghâl mai ang.

Hun eng anga tam nge Pathian Thûah i hman țhin?

Lapawimawh zâwk cheu chu, Bible zirtîrnate laka intukluh hi engtin nge i zir tam deuh theih ang?