Dan Chu

DAN CHU

Rom 3:31 chhiar la. Heti laia Paulan a sawi ber chu eng nge ni?

Eng vangin nge heta a thil sawi hi keini Kristian-te tan hian a pawimawh em em?

He lai changah hian rinna chuan Pathian dan engmah lova a siam loh thu uar takin a sawi a. Nimahsela dan zawmtu, Thuthlung Hluia dan awm zawng zawngte zawm famkim vektute ngei pawh kha an dan zawmna chuan a chhandam bik chuang si lo.

Thuthlung Hlui sakhua kha, Thuthlung Thar sakhua ang bawk hian, Pathianin mi sualte hnena khawngaihna a pek rinna avanga chhandamna thurina innghat a ni ve tho a ni.

Rom 4:1–8 chhiar la. Engtiangin nge heta a thil sawihian Thuthlung Hluiah pawh khan chhandamna chu dan thiltihte avang ni lovin, rinna avang zawk a nih thozia a tihlan?

A sawi ang hian Abrahama kha “Pathian a rin” avanga mi fela chhiar a ni a. Chuvangin Thuthlung Hlui pawh hian rinna avanga felna thu hi a lo sawi ve tho tih a lang.

Heta tang hian, rinna chuan dan hi “engmah lovah a siam” (Grik tawng chuan, katargeoan ti a, “tangkaina awm lo,” “hman tlak loh” ti pawhalehlin theih a ni) a ni tih ang hawi zirtirna reng reng chu zirtirna dik lo a ni tih a chiang a; rinna avanga chhandamna thu hi Thuthlung Hlui zirtirna pawimawh tak pakhat a ni zawk. Thuthlung Hlui lehkhabu hrang hrangte hian khawngaihna an sawi theuh hlawm a.

Entirna atan, biak buk rawngbawlna leh halral thil hlan zawng zawngte pawh kha, mi sualte chhandam an lo nih dan (anmahni thil tha tih avang ni lovin, an aiawhin mi tu emaw a la thi dawn a ni tih) entirtu ni ta lo se, eng nge ni ta ang le?

Tin, Bathsebi nena an chet sual hnua Davida ngaihdam a nih dan pawh kha eng thil dangin nge sawi fiah ta ang?

A dan zawm thatna chu a ni lo chiang mai a, a chhan pawh dan thu tam tak a bawhchhia, chungte chuan thiam loh an chantir reng a.

Davida kha dan zawm that avanga chhandam tur ni ta ang se, chhandam a ni hauh lo ang.Paula chuan Davidan Pathian duhsakna a chang lehta kha rinna avanga thiam chantir kan nihzia tichiangtu-ah a hmang a. Ngaihdamna kha Pathian khawngaihna thiltih a ni.

Chuvangin ani pawh hi Thuthlung Hlui lehkhabute hian rinna avanga felna an zirtir ve thozia tilangtu dang pakhata ni.

Dik tak phei chuan, hmanlai Israel mite khan dan zawm that pawimawh thu hi kal vungpui viau mah se, Juda sakhua kha khawngaihnaa innghat a ni tho tho a. A lova luata dan zawm that sawi uarna (legalism)kha chu an sakhaw lungphum ni lovin, kalsualpuina a ni zawk.Davida sualna leh ngaihdam a nih tak dan (2 Samuela 11, 12; Sam 51) kha ngaihtuah la. A chanchin lungchhiatthlaktak atang hian eng ang beiseina nge i chhar chhuah theih sawi rawh.

Heta tang hian kohhranhote hian suala tlute kan en dan turah zirlai zir tur kan nei bawk em?

Leiba Nge Khawngaihna Zawk

LEIBA NGE KHAWNGAIHNA ZAWK?

Heti laia Paula thu khel hi Pathian thu hrilhfiahna (theology) a ni satliah ve ngawt lo va. Chhandamna laimu leh bulpui ber bakah, Pathian nena kan inlaichinna pawh a khawih tel tlat.

Pathianin min pawmna chu a hlawha hlawh chhuah tur ni-ah kan ngai tlat a nih chuan–chutiang ngaihdan neih thei tur chuan thiam chantir leh ngaihdam kan nih hmain kan lo thianghlim tawh sa hle a ni ngei ang a–keimahni rilru leh thinlung leh kan thiltihte kan enmai thin nak lovah. 

Chutiang a nih chuan sakhuana hi kan mamawhte zinga a tawp ber, a laipui bera mahni indahna a lo ni daih thei ang.

A lehlamah, thiam chantirna chu a phu miah lote hnena Pathian thilthlawnpek a ni tih kan hrethiam a nih erawh chuan, mahni inen lovin, Pathian hmangaihna leh khawngaihna zawk chu kan rilrua lian ber leh en ber a ni zawk thung dawn lo’m ni?

A thuhrimin, Pathian hmangaihna leh a nungchang hi mahni felna hmachhuantu nunin nge, Pathian khawngaihna rinchhan tlattu nun zawkin lan chhuantirin kan rin le?

Rom 4:6–8 chhiar la. Engtin nge hetah hian rinnaa thiam chantîr kan nih dan chu fiah leh zualin a sawi?

“Mi sual chuan rinnain Krista hnen a pan ngei tur a ni a, a thatnate chu rin chhanin a sualte chu a phursaktu hnenah a nghat ang a, tichuan a ngaihdamna a chang bawk ang. 

Chumi atan chuan a ni Krista pawh he khawvela a lo kal reng ni.

Chutichuan, Krista felna chu a sualte sim a, amah ringtu hnenah chuan bel a ni ta a.

Lal chhungkuaa seng luh a lo ni ve ta thin a ni.”–Ellen G. White, Selected Messages, book 1, p. 215.

Chutichuan, rinna avanga chhandamna hi Juda-te tan chauh ni bik lovin, Jentail-te tan pawh a nih ve tho thu a sawi zui leh nghal bawk a (Rom 4:9–12).

Fet deuh taka sawi i phut a ni pawhin, Abrahama ngei pawh kha Juda mi a ni bik hleinem; amah thlahtute kha milem bemi an ni ve tho asin! (Josua 24:2). 

A hunlai khan “Juda” leh “Jentail” tih ang zawnga inthliar hranna a la awm lo hrim hrim a.Tin, thiam chantir a nih lai khan (Gen. 15:6) a serh pawh a la tan chuang hek lo.

Chuvangin Abrahama kha serhtante leh serhtan lohte pa a lo ni ta ve ve a, Paula pawhin chhandamna chu mi tin tan a nihzia entirna tha tak atan a hmang ta reng a ni.

Krista thihna chu mi tin tan a ni a, chi emaw, hnam emaw anga inthliar hranna engmah a awm lo (Heb. 2:9).

Kraws-a Isua thihna kha mi zawng zawng tan a ni a, Kraws khan mi tin hi kan hlu theuh a ni tih min hrilh bawk tih hi ngaihtuah la.

Chutih a nih chuan, eng vangin nge hnam emaw, chî emaw, ram emaw a dan avang maia inhmuh thiam lohna leh inrin loh sa ngawtna thleng thîn hi thil rapthlak a nih le?

Mi dangte hmuh dik loh sa ngawtna ang rilru kan neih theuhte hi Pathian khawngaihna azarah engtin nge kan paih bo theih ang?

Mizo Kum Pawimawhte

*MIZORAM-A KUM PAWIMAWH LANGSÂR ZUALTE (AD 950-2016)—*
_Edited by, Mesak Fn._
°°°°°°°°°°°°°°°°°°°°°°°°°°°°°°°°°
• *950 A.D.* — China chhuahsan

• *1170* — Khampat chhuahsan/ Bûng phun kum

• *1466* — Lentlâng awm lai.

• *1849-56* — Chhim leh Hmâr indo.

• *1861/62* — Mautâm hmasa ber.

• *1871, 27th Jan.* — Bengkhuaia hoten Zolûti an man.

• *1872, 21st Jan.* — Sâpin Zolûti an chhanchhuak.

• *1876* — Thlichhe tleh.

• *1877-1880* — Chhak leh Thlang indo.

• *1880* — Țhingtam hmasa(He țam hian indo a ti tâwp)

• *1884* — Arsi tlâk.

• *1890* — British sorkar leh Mizo lalten inremna an siam.

• *1893* — Minpui kum.

• *1894, January 11* - Pioneer Missionary  Sap Upa leh Pu Buanga lo thlenni.

• *1894, 1st Apr.* — A AW B zir țan.

• *1895, 2nd Oct.* — Mizo țawnga Pathian biak inkhawm hmasa ber.

• *1895 22nd Oct.* — Mizo Zirtir Na Bu chhuah.

• *1896, 1st Aug.* — Chanchin Țha Luka ziak lehlin.

• *1896, 6th Oct.* —Mizorama Biak In hmasa ber sak țan.

• *1897, 31st Aug.* — Rev.D.E.Jones(Zosâphluia) lo thlen.

• *1898, 20th Feb.* — Sunday Sikul din țan.

• *1898, 20th Feb.* — Mizo țawnga chanchinbu hmasa ber _Mizo Chanchin Laisuih_ chhuah a ni.

• *1899* — Kristian Hla Bu hmasa ber hla 18 awmna tihchhuah.

• *1901* — Mizorama chhiarpui hmasa ber neih.

• *1902 Dec.* — Mizorama Krismas hman hmasak ber, Mission Veng Kohhranah.

• *1910* — Mizoramah Bâwih bân a ni.

• *1913* — Mautâm țam vawi hnihna.

• *1914* — Indopui 1-na.

• *1916, Apr.* — Mizo Țawng Thuthlung Thar Bu copy 1000 tihchhuah.

• *1916* — Savation Army Kawlkhuma hova din a ni.

• *1917* — Mizo tlangval 2100 Indopui 1-naah France ramah an kal.

• *1925* — Roman Catholic Kohhran din.

• *1928* — Minpui kum & Țhingtam tlâk.

• *1930, May* — Mizorama Thlânmual neih țan.

• *1931* — Chhiarpui vawi li-na.

• *1935, 15th June* — Young Lushai Association _(tuna Young Mizo Association)_ din a ni.

• *1935* — Mizo Zirlai Pâwl(M.Z.P.) din.

• *1938* — Zâwlbûk tihtâwp.

• *1972, 20th Jan.* — Mizoram Union Territory-a hlân.

• *1972, 5th May* — U.T. Assembly Inthlan Vawi 1-na.

• *1975, 21st Apr.* — People's Conference Party din.

• *1977, Aug.* — Aizâwla Town Bus tlân țam.

• *1977* — Țhingtam Vawi 3-na.

• *1978* — Aizawl-a Taxi tlân țan.

• *1978, 11th Nov.* — Mizoram President's Rule-a dah a ni.

• *1979, 24th May* — U.T. Inthlan Vawi 3-na.

• *1981* — Bairabi Rêl kawng laih țan.

• *1984, 25th Apr.* — Mizoram U.T. M.L.A. Inthlan.

• *1986, 30th June* — MNF leh India sorkarin inremna an siam.

• *1986, 15th Aug.* — Central Jail, Tanhrilah hawn a ni.

• *1987, 20th Feb.* — Mizoram chu U.T. ațangin State puitlinga hlân kai ani.

• *1987, 7th Sept.* — MNF MLA 9-in MNF Party an chhuahsan avangin MNF Sorkar an tla a, Mizoram chu a vawi hnihna atân President's Rule-ah dah a ni.

• *1989, 24th Jan* — Mizoram State M.L.A. Inthlan Vawi 2-na.

• *1994, 11th Jan.* — Mizoram Gospel Centenary Celebration.

• *1995, 20th Feb.* — MLTP Acts hman țan.

• *1998, 25th Nov.* — MLA Inthlan Vawi 4-na.

• *1988, 12th Dec.* — Lêngpui Airport hawn.

• *2001, 2nd June* — Mizoram University din.

• *2003, 20th Nov.* — MLA Inthlan Vawi 5-na.

• *2006, 21st June* — Mizoram People Forum din.

• *2008, 28th Aug.* — Mizoram State Election Commission din.

• *2010, March* — Cheraw kân World Record siam.

• *2011, 14th Jan* — NLUP Flagship hawn.

• *2012, 14th Aug.* — Mizorama Helicopter Service țan.

• *2013, 18th Apr.* — David Zohmangaiha'n Mt.Everest a lâwn chhuak, Mizo zînga Mt.Everest lâwn chhuak hmasa ber a ni.

• *2013, Nov.* — MLA Inthlan Vawi 7-na.

• *2015, 15th Jan.* — MLPC Act hman țan.

• *2015, 25th Mar.* — Brig. Țhenphunga Sailo thi.

• *2016, 24th Feb.* — Food Security Act hawn.

• *2016, 9th Apr.* — Dr. C. Silvera thi.
�� *zt gk*