Bible Chhiar Dantur Kaihhruaina

(Mamawh leh tangkaipui kan awm tâkin)

*Nitina Nun Kaihhruaina Tûra Dân Rangkachak* - Mat 7:12

*Kristian Chhungkaw Chungchâng* - Eph 5:22 - 6:4

*Nupui Leh Nu Entawntlâk* - Thufingte 31:10-31

*Inneihna Leh Inthenna* - Mat 19:3-9, Malakia 2:14-16

*Uirêna Sual* - Thufingte 6:23-33

*Hnathawktu Leh A Chhawrtu Inkâr* - Kol 3:22 - 4:1

*Sumdâwnna Leh Eizawnna* - Sam 15

*Khawvel Laka Thenhranna* - 2 Kor 6:14 - 7:1 & 1 Joh 2:15-17

*Thil Rinhlelhawm Laka Thutlukna Dik Siam* - Rom 14

*Kristiante Rahchhuahna* - Johana 15

*Chunglam Finna* - Jakoba 3:14-18

*Kristiante Mawhphurhna* - Rom 12 & 13

*Ngaihtuah Hmasak Tur* - Mat 6:25-33

*LALPA Theihnghilh Sawhkhawk* - Hosea 4:1-11

*Indona Rah* - Jakoba 4:1-4

*Thupek Ropui Ber* - Mat 22:36-40

*Krista Thupek Thar* - Johana 13:34-35

*Dân Pawimawh Ber (Royal Law)* - Jakoba 2:8

*Kristiante Hmangaihna* - 1 Kor 13

*Pathian Ropuina leh Mihringte Tlinlohna* - Isaia 40

*Tlanna* - Lev 16, Rom 5

*Piantharna* - Johana 3

*Rinna Avanga Thiamchanna* - Eph 2:1-10, Gal 2:16-21

*Krista Berampu Tha* - Sam 23, Johana 10:1-18

*Puithiam Lalber Anga Krista Hnathawh* - Hebrai 4:14-16, 9:11-15

*Krista Inphahhnuaina leh Chawisânna* - Phil 2:5-11

*Krista a Muhilte Thawhlehna* - 1 Kor 15, 1 Thes 4:13-18

*Krista Lokallehna* - Mat 24, 2 Thes 1:7-2:12

*Rorelna Hnuhnung Ber* - Thup 20:10-15

*Lei Thar leh Van Thar* - Thup 21 & 22

(Hmanhmawh angreng taka ka buatsaih ania a kimchang tawklo viau ang tih chu ka ring a, mahse heng hi a tlanglawn tak chu anni ve thawkhat chuan ka hria. Belh tur pawh tamtak in hre nual ang ka ring.)

Krismas Lawm A Sual Em??

December ni 25 hi Isua pian ni tak tak a ni lo tih hi khawvela Krismass lawmtu tam zawk hian kan hre awm e.

Isua pian ni dik tak hi thup a ni a, hriat a ni ngai bawk hek lo vang.

A pian ni dik tak hriat ni se chuan khatih hun laia lal, Heroda khan mipa naupang kum 2 tling chin thahtir lovin, Isua pian nia piang mipa naupang zawng a thahtir mai ang.

Khawvel Kristian tam zawkin he hun hi Krista pian lawm nan an hman miau si avangin do bur pawh ni ila kawngro a su tam pui lo vang.

Lalpa zawlnei Ellen G. White-i chuan, "Krismas hi khawvel Chhandamtu a piang a ni tih hriat reng nana lawm a ni tih i theihnghilh lo vang u," tiin a ziak hial a.

Chuvangin, December 25 hi Isua pian ni, ni serh anga lawmna siam lovin, khawvel Chhandamtu (Isua) a piang a ni tih hriat reng nana lawm tur zawk a ni.

He ni hi ni serh anga neih chu thil dik a ni hauh lo, mahse, khawvelin Bethlehem-a nau piang, Isua a thlir thup lai hian Krista hmangaihna leh leia a lo pian dan puan nan he hun hi hman thiam a pawimawh hle a ni.

Krista chu chawimawi a nih a, keini leh mi dangte tan malsawmna a nih dawn phawt chuan Krismas lawmna program neih hi a pawina a awm lo. Lalpa zawlnei,

Ellen G. White-in hetiang hian a ziak a:

"Unaute u, Krismas lawmna hi nangmahni leh midangte tana malsawmna a nih theih nan siam/lawm turin ka ngen a che u,"

Tin, "Krismas leh kum thar lawmna hi mi rethei tanpui ngaite pualin neih tur a ni," tih leh, "Krismas chu Isua tana thilpek ken hun special tak a ni tur a ni.
Chung thilpekte chu mi dangte chhandamna tura hman turin luanchhuahtir tur a ni," tihte hi kan hriat a tha hle a ni.

(E G. White, Review and Herold, November 21, 1878 par.2._Reflecting Christ, page 373,2._Adventist Home, p. 482,3.)

Inpumkhatna Atana Krista Thiltih

A Kohhran tana Isuan inpumkhatna a dil kha eng behchhan nge ni?

Johana 17:23 leh Johana 15:1-5 te chhiar la.*

"Nangni keimaha in awm leh kei nangmahnia ka awm" (Johana 14:20, NKJV) tih thu hian Isua nena inzawmna thuk tak kan neih a țulzia a tilang a.

Kan thinlunga Isua a chen phawt chuan inpumkhatna chu a lo awm chawp mai ang.

Kan nunah hian inpumkhatna atana thil pawimawh tak pahnih a rawn thlen a, chungte chu; Pathian thu leh Pathian hmangaihna a ni. Isua kan neih chuan a thute pawh kan lo nei nghal ang a, chu chu a nihna takah chuan Pathian thute a ni. (Johana 14:24; 17:8, 24).

Isua chu 'thutak' a ni a. (Johana 14:6), chutiang bawkin Pa thu pawh 'thutak' tho a ni. (Johana 17:17).

Isuaa inpumkhat tih awmzia chu Pathian thua inpumkhat tihna a nih chu.

Inpumkhat kan duh a nih chuan, Pathian thua thutak awmte kan pawm danah kan lungrual tlan a țul ang a.

Bible zirtirna thu pawm lo zawnga inpumkhat kan tum a nih chuan kan hlawhtling ngai dawn lo.

Lalpa khan amah zuitute chu hmangaihna dik taka inphuar khawm tlat turin a duh bawk a.

Isua kan nei a nih chuan, Pain Fapa a hmangaihna, hmangaihna famkim ang kha kan lo nei ve dawn a ni. (Johana 17:26).

He hmangaihna hi rilru phur thutin tlachawp taka a rawn piantir ang hi a ni lo, hmangaihna nung leh kumhlun, thil tiha rawn lang chhuak țhin a ni zawk.

Chutiang hmangaihna dik chu kan lo neih ve theih nan keimahni intiruakin kan nunah Isua hmun kan kian tam tur a ni a.

Mahni hmasialna leh thei ve tawk nia kan inngaihna te chu a thi phawt tur a ni, chu mi hnuah chauh kan nunah Isua a lo nung thei ang.tichuan,kan inpumkhat thei ang a,

Isua duh ang in kan inpumkhat thei ngei ang.

Krista Tawngtaina

Ningani zan a ni a. Zanriah Hnuhnung an kil zawh hnu chuan Isua leh a zirtirte chu Olive Tlang lam panin an kal a.

Chu mi kawngah chuan Gethsemani huan a awm a, chutah chuan Isua a lut a, ama tan leh a zirtirte tan bakah, tirhkohte thuhril ațanga amah lo la ring zel turte tan pawh a țawngțai ta a ni.

Khenbeh mai tur a ni tih inhre tho mahse, a rilru luahtu ber chu amah ni lovin, a zirtirte an ni zawk a.

Johana 17-ah hian mi dangte tana Isua țawngțaina Bible-a kan hmuh sei ber chu a lang a.

Kha mi țum khan amah ringtu zawng zawngte tan a țawngțai a, chu mi zingah chuan keini pawh hi kan tel ve a ni.

Johana 17 chhiar la. Ringtute tana Isuan a pa hnena a dilsak ber chu enge ni? Chang 21-23 hi chhiar ngun deuh bik ang che  .

Kohhran nung ni tur chuan inpumkhat a țul a. Chutiang taka pawimawh chu a nih avang chuan Isua pawh khan amah zuitute chu inpumkhat tlat se a duhzia vawi li lai a sawi nawn a ni. (Johana 17:11, 21-23).

Kha hun pawimawh tak, a hun tawp dawn hnaih ni bawkah khan thil pawimawh leh țul dang dil zawk awm tak tak pawh a nei mai thei a.

Mahse, chutiang chu dil lovin ringtute inpumkhat thei nan a țawngțai ta zawk a ni. Kohhranho tana thil hlauhawm ber chu ințhenhranna leh inepna boruak a awm palh kha a ni a.

Isua ngenna hi, an inantlan țhapna ni lovin, Amah leh Pa an inpumkhat ang bawka a zirtirte pawh an inpumkhat a ni a.

Amah leh a Pa chu mi (person) hrang, inang lo, leh hnathawh pawh hran an ni a; mahse, nihphung leh thil tumah erawh pumkhat an ni thung.

Chutiang bawk chuan keiniho pawh hi kan rilru put hmang te, kan lo chawr chhuahna te, kan tih theih zawngte leh kan hnathawh te a inang hlawm lo a; mahse, Isua Kristaah chuan kan inpumkhat tlat tur a ni.

Chutiang inpumkhatna chu keimahni duh thu-a kan neih ngawt theih a ni lo.

Nei tur chuan kan nunah Krista kan lalber-tir a ngai.

Ani chuan kan nungchang a chher a ngai a, keini pawh a thu thua awm tura kan inpek a țul bawk.

Inpumkhatna hrim hrim chu a tawpna a ni lo. Krista chu khawvel Chhandamtu atana Pa-in a tirh a ni tih ring ve tura khawvel hriattirtu a ni a.

Rilru sukthlek inang lo tak takte zinga inlungrualna leh inpumkhatna lo thleng țhin hi mi sualte chhandam turin Pathianin a Fapa a rawn tir a ni tih puangtu a ni a.

Krista chhandamna leh chu mi zara siam danglamna thiltihtheihzia hnial rual loa lantirtu a ni bawk. Chu mi hriatpuitu kan ni chu kan vannei hle a ni. *_Mahni hmasialna hian inpumkhatna a tiderthawng fo mai a. Engtin nge inpumkhatna tichhetu ni lo tura kan inven theih ang?

Krista Kan Felna

Isua chu mipui hmaah a thu a, an tana thu dengkhawng tak mai ni tur hi a sawi a:

"In felnain lehkhaziaktute leh Pharisaite felna a khum loh chuan vanram in lut tawp lo ang tih ka hrilh che u a nih hi," a ti a. (Matthaia 5:20).

Dan zawm kawngah kher kher chuan Pharisaite aia zawm țha zawk tur an vang hle ang a.

Nimahsela, an nungchang chu Pathian tihlawm an tumna aiin mihring mit hmuha mawi an zawnna mai a ni zawk si a.

An tih anga ti ve lo turin Isuan min hrilh a ni. (Matthaia 6:1).

Chuti a nih si chuan, engtin nge Pathian hmaah mi fel kan nih theih ang? Inneihna ruai tehkhin thu hian felna dik tak kan hmuh theihna tur chu min kawhhmuh a.

Matthaia 22:2-14 chhiar la. Eng vangin nge lal khan a mi sawmte zawng zawng khan inneihna puan sin vek se a duh?

Kha puan khan enge a entir? Isaia 61:10, Zakaria 3:1-5 te pawh en la. Lal hian a thlawn vekin inneihna puan kha asem a. Inneihna ruai kil tura lo kalte kha kahpah taka a sawm chawpte an nih hlawm avangin inneihna puan lo nei sa pawh an awm kher lo ang a, a leina tur pawisa nei alawi pawh an awm awm lo ve.

Sawmna leh inneihna puan te kha lal thilthlawnpek liau liau a ni a.

Inneihna ruai lo kil ve tura an tih tur awm chhun chu a thilpek pahnih lo pawm mai chu a ni.

Suala Adama te an tluk tak achinah khan mihring zawng zawng hi thlarau lamah chuan saruak mai kan lo ni ta vek a.

Evi leh Adama te khan thu an zawm loh hnuin saruak an ni tih an inhria a, theipui hnah thui khawmin inkhuh an tum ta a. (Genesis 3:7); theipui hnahte chu a deh vel a nuam lovin, an taksa pawh a khuh țha thei kher lo ang.

Mihringte felna hlawh chhuah theih sang ber pawh hi "silhfen bawlhhlawh" ang lek chauh a ni a. (Isaia 64:6). ..

Tehkhin thu anih ang hian Pathian chuan kan mamawh puan chu min pe a. Evi leh Adama te tan savun kawrfual a siamsak a. (Genesis 3:21).

Kha khan a felna chuan mi sualte a khuh a ni tih a entir.
Lalpa chuan a kohhran tan Krista felna kawrfual a pe bawk a, chutichuan puan zai sin fai tak leh var taka thuam an lo ni ang a, (Thupuan 19:8),

Bawlhhlawh kai lo leh zur lo, chutiang thil reng reng pu lovin a awm thei dawn a ni. (Ephesi 5:27).

He kawrfual hi "Krista felna leh a nungchang sawisel bo chu a ni a, amah chu mimal Chhandamtua pawmtu zawng zawngte hnenah rinnain pek a ni." (Krista Tehkhin Thute p, 253)

Kan rin chu pawimawh viau tho mahse, kan chhandamna chu Kristan thilthlawn min peka kan lo inthuam avang chauha lo awm a ni tih kan hriat a ngai a. Eng vangin nge hei hi kan hriat reng a țul?

Thau Lutuk Tan

Ni 4 chhung lek a thau chhia paih I duh em?

Sawhthing pan te te in zai lep (thir fian khat). Fanghma pum khat zei , lemon (ser) te chi zeilep. Pudina hnah 12

A chung a mi ho khi tui liter khat nen pawlh la, phui tak in chhin a, Zan khat riah tur.
Nikhat a in zawh vek bawka. Ni 4 chhung I in chuan i thau chhia kha nasa tak in a Bo bak ah, I vun a lo nalh hle tawh ang.

Thu lak na , myawady health

Thu Tha Tak Chu

A van tha si êm!!

Zep neiin ka au a
Ka pal hnawk ah ka tang a
Kal ngaihn a hre lovin ka kal a
Ka dinna erawh ka sawn silo
Mualpho hlau in Lal hma ah ka mualpho a
Tha anga langin ka thinlung a kha si a
Beisei nei siin ka beisei erawh ka hre silo
Lungngaihna ruam ah ka nui a,mahse a za silo
Lawmna tlang min hruai thlen laiin ka pensan thung si
Mi mit hmuh ah mawi ka tum a,mahse tenawm mai ka ni si a
A hman a tan ka inpe a ka in hlan silova
Malsawmna min vurna hmun ah ngei ka phatsan si a
Ka rum a ka thawveng hek lo
Min chawisan a tum a,chawisan tlak loh khawp inka awm leh si
Setana chuan sual ah min hnuk a,a thuih hruai ten min nuih sawh a
Lalpa ka au a, a chhanna ka nghak mek a ni.
Midang thei ei ah ka ha alo trim a.
Mahni indah bovin mi fel loh na ka zilh a.
Mi zilh na erawh ka ngai pawimawh hek lo.
Lalpa hma ah ka lang tlang a nunkaw rawng mai ka ni.
Ka samzai khat pawh hmaih lo tu bum ka tum a,mahni inbum mai ka lo nisi a.....

Baby-i Nen

Khawruhlian tlanga Catholic ho in Kalvary tlang an siamah a mi Isua  ruang an zalhlai lem a ni.

RORELNA THUCHAH

Revelation 14:6-7
Tin, leia awmte hnenah leh hnam tinreng te, chi tinreng te, tawng tinreng te, mi tinreng te hnena tlangaupui tura chatuana Chanchin Tha nei vantirhkoh dang vanlaizawla thlawk ka hmu a; tin, ani chuan aw ring takin, “A rorel hun chu a lo thlen tak avangin Pathian chu hlau ula, chawimawi rawh u; van te, lei te, tuifinriat te, tuihna te siamtu chu chibai buk rawh u,” a ti a.

Chhiar tur Genesis 7:11; Jeremia 50,51; Daniela 12:4-9; Thupuan 10:13;11:1-9,17,18:14.

Daniela 7 leh 8-a rorelna thuchah hi Thupuan 12-14 chhunga tarlan indona ropui thilthlengte nen hian a inzawm chiah mai a.

Hetah hian Vantirhkoh pathum thuchah kan hmu a, a thupuiah chuan thilsiamna te, rorelnate leh chanchin tha chu a hmang a. (Thupuan 14:6-12)

Heng changte hian Isua lo kal lehna tura inbuatsaih tura kohna hnuhnung, hmanhmawh thlak tak chu a tarlang a.

Vantirhkoh pakhatna thuchah hi "chatuan chanchin tha" chu a ni reng a, apostolten an lo puan tawh thin, mite hnena ngenna 'Heng thil lawi lote hi hawisana, Pathian nung, van te lei te tuifinriat te leh an chhunga thil awm zawng zawngte Siamtu lam chu in hawina turin' tia an sawmna thu tho kha a ni. (Tirhkohte 14:15, NKJV; Tirhkohte 4:24 khaikhin la)

Thuchah pawimawhzia sawi loh theih loh chu a nih tho laiin, Thupuan buah hian helai hmunah hian chanchin tha tih thu hi a chuang a ni.

Tawpna huna thilthleng chungchang eng pawh chu sawi ni ta ilang, 'chanchin tha' tak mai chu kan thuchah laipuiah kan nei ngei tur a ni ang.

KHAWNGAIHNA LANGCHHUAK

Khawngaihna Lang Chhuak Thin Chu Isua chhandamna chu hahchawlhna angaa lo sawi pawh hi a mak lo ve. 

Matthew 11:28-30 "Nangni thawk rim leh phurrit phur zawng zawngte u, ka hnenah lo kal ula, keiman ka chawlhtir ang che u. 

Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang. Ka nghawngkawl chu a nuam a, ka phur pawh a zang a ni," a ti a. 

Thawkrimte tana chawlhna min pek Isuan a tiam hi khawvela thawkrimte hah chawlhna taktak hi a ni lo va. 

Kan ngaihdan dik loh avanga Pathian kan lo hmuh dik lohna a vanga, Pathianin mn pawm theih nana eng emaw tih ngaia kan inhriatna avanga kan rilru hreawm thin sawina a ni. 

Heta 'in thlarau tan' a tih hian Greek tawnga Psyche tih thumal hman a ni a. Chuvangin a sawi awmzia tak chu, "In rilru phurrit atrangin ka chhuah zalentir duh che u," a tihna a ni. 

Hei hi a ni kan mamawh chawlhna dik tak chu; 

Thiltha eng emaw kan tih avanga a hmangaihna kan lo phu veta a ni lova. 

Pathianin min hmangaih a, a khawngaihnaa chhandam kan ni tih hriatna chawlhna hi a ni. 

Chawlhna min tiama kan luh hian, Pathian chu khirh tak leh tih tur tuk reng mai, ti leh ti lo veng rengang hi a ni lo tih kan lo hria in. 

Pathian hnena kan awm hnu chuan a rawngbawl chu a lo awlsamin a hlimawm em em zawk a ni. 

Hmangaihna avangin thil harsa ni thin chu a lo awlsam ta a. 

Hmangaihnaa chengte tan chuan phurrit leh harsatnate chu hriat ngai loh ang a lo ni ta zawk a ni. 

Kan thil tha tih leh kan theihnaah kan innghat tur a ni lo; mi sual leh thilsual lam awn reng thinte hian Krista hnen kan pan chuan, Khenbeh Chhandamtu felna rinchhana amah pantute chu Pathianin a lo pawm thina. 

Thinlunga hmangaihna a lo lang chhuak a. Danglam huiha inhriatna a awm kher lo a ni thei. Nimahsela thlamuang taka innghah ngamna lo awmin. Krista nghawngkawl chu a zan avangin phurrit zawng zawngte chua lo zang ta a. 

Tih tur awmte chu tih a lo nuam a, a tana inhman te chu thil tih nuam tak a lo ni ta thin a ni. (Faith and Works, p.38)

SIMCARD TIPS

Sim card hrang² 3G activate na: °°°°°°°°°°°°°°°°°°°°°°°°°°°°°°°°° Airtel : 3G tih hi 121 ah send tur AIRCEL : 3G tih hi 121 ah send tur. BSNL : M3G tih hi 53733 ah send tur. DOCOMO : ACt 3G tih hi 53333 ah send tur. VODAFONE : ACT 3G tih hi 144 ah send tur. IDEA : ACT 3G tih hi 12345 ah send tur chuan network mode ah lut la WCDMA only ah dah ang che.

KRISTA KAN INNGHAHNA

Nghahchhan dik leh rintlak, Krista chu lung nung a ni a;  

A nunna chu Ama chunga satute hnenah pek zel a ni. "Nangni pawh lungte angin thlarau lam ina rem chhohin in awm," 

"Amahah chuan lung rem hrang threuh te, rem taka chuktuahin Lalpa-ah chuan biak in thianghlimah a chang zel thrin," (1 Petera 2:5; Ephesi 2:21).

Lungte chu nghahchhan nen an inzawm chial a, an zain nunna thuhmun an intrawm a, chu chu eng thlipuimahin a len thei lo.

TLÂNG CHUNGA THUSAWI

KRISTIAN NI LA:RINTLAK TAKIN NUNG RAWH (Mathaia 5:13-42) 

Tlang chunga Isua thusawi hi rintlak tak nitur leh rintlak taka thil ti thin tura insawmna thu a ni. Kristian chu eng ang mi nge ni tur a nih le? 

Isua chuan thil mawl te te pahnih - Chi leh Eng te hian mi dangte that turin hna an thawk ve ve a, chu chuan Kristian nunah pawh hian mahni indah pawimawhna rilru-in hmun a chang thei lo a ni tih min zirtir a: 

Inngaihtlawmna chuan thil engkim a hmakhalh tur a ni. 

Chi hi thil vawngthatu atan leh ei tur tituitu atan hman a ni a, ngawi rengin a thawh tur chu tha takin a thawk mai thin.  

Chutiang chiah chuan Kristiante pawh an bula mi awmte nun chu ngawirengin an hmin anga, a tha zawngin an nunah nghawng an nei ve tur a ni. 

Matheilovin Kristiante chuan khawtlang thatna tura inhman leh thlarau lama thuhretu nih hi an thawk kawptur a ni bawk. 

Kristiante chu khawvel êng - rilru leh thlarau lama thimna tikiangtu ni turin Isua chuan a hrilh bawk a. Nungchang fiah leh langtlang tak chu pu a, thim hnuaia lengte'n chatuan Eng Isua chu an lo hmuh ngei theih nan êng chhuah turin a phut tlat a ni.